Беларусь гатовая прапанаваць Зімбабвэ лепшыя IT-кампетэнцыі

Адразу пасля перамоў на вышэйшым узроўні дэлегацыя адправілася знаёміцца з флагманам беларускай лічбавай эканомікі - Паркам высокіх тэхналогій. Афрыканскія партнёры настроены на пошук новых пунктаў судакранання, Беларусь гатовая прапанаваць ім лепшыя IT-кампетэнцыі.

Прасоўванне кампетэнцый рэзідэнтаў ПВТ, рашэнні аб развіцці разумных гарадоў, нашы напрацоўкі ў ахове здароўя, прамысловасці і будаўніцтве - вось галоўныя кірункі, па якіх прайшлі перамовы. У Зімбабвэ актыўна развіваюцца ўласныя праекты ў сферы высокіх тэхналогій, вопыт Беларусі стане важным імпульсам для мясцовых інавацый. Бо, як не раз падкрэсліваў наш Прэзідэнт, Афрыка - вельмі цікавы і перспектыўны партнёр, з якім нам па дарозе ў пабудове шматпалярнага свету. А Зімбабвэ, як і многія афрыканскія краіны, сёння робіць стаўку на лічбавізацыю эканомікі. І тут вопыт нашага ПВТ унікальны (гл. відэа).