Беларусь і Башкартастан плануюць выйсці на мільярд долараў у гандлі па выніках года

Беларусь і Расія ўмацоўваюць кааперацыйныя сувязі. Новыя сумесныя праекты прапануюць рэгіёны. Башкартастан - адзін з такіх прыкладаў. Гэтымі днямі тут працуе наша ўрадавая дэлегацыя на чале з прэм'ер-міністрам.

Партнёры разлічваюць выйсці на мільярд долараў у гандлі (такія аб'ёмы ў Беларусі ёсць толькі з шасцю расійскімі рэгіёнамі), а таксама прапанаваць новую дарожную карту супрацоўніцтва.

На перамовах з кіраўніком рэспублікі адзначаны перспектыўныя праекты ў розных сферах - ад АПК да машынабудавання. Гэта будзе вялікі дакумент. Ён стане новым этапам у адносінах саюзнікаў.

Напярэдадні ва Уфе было адкрыта сумеснае прадпрыемства па вытворчасці сельгастэхнікі. А зараз ужо ідзе праца ў новым кірунку - выпуск гусенічных трактароў. Башкартастан дае зялёнае святло і актыўным продажам беларускага харчавання і прадукцыі лёгпрама.

Мінск і Уфу звязваюць прамыя авіязносіны. Іх загрузка высокая. Сёння партнёры працуюць над павелічэннем частаты палётаў да двух разоў на тыдзень.