Беларуськалій чакае рэкорд па здабычы руды ў 2020 годзе

Пад Новы год падводзіць вынікі і вызначае далейшыя арыенціры і кожнае прадпрыемства краіны. Так, рэкорд па здабычы руды і выпуску калійных угнаенняў сёлета паставіць Беларуськалій. Гэта прэм'ер Раман Галоўчанка заявіў сёння падчас наведвання Чырвонаслабодскага рудніка. Чакаецца больш за паўсотні мільёнаў тон, з якіх атрымаецца прыкладна 12 мільёнаў тон угнаенняў. Гэтае лепшае пацвярджэнне таго, што прадпрыемства працавала ўвесь год на поўную сілу, вытворчыя магутнасці выкарыстаны на 100 працэнтаў. Ужо адгрузілі на экспарт 10,5 мільёна тон калійных угнаенняў, што амаль на 700 тысяч больш, чым год таму. Што да кошту расійскага газу для Беларусі на наступны год, як адзначыў кіраўнік урада, ён застаецца практычна на ўзроўні сёлетняга года.

З усімі буйнымі пастаўшчыкамі нафты Беларусь таксама падпісала кантракты на наступны год на выгадных для нас умовах. Зараз ідуць перамовы толькі з невялікімі прадаўцамі, і гэта, як запэўніў прэм'ер, чыста тэхнічныя пытанні.