Беларускія трактары экспануюцца на найбуйнейшай агратэхналагічнай выставе ў Бразіліі AgriShow 2023

Беларускія трактары дабраліся да Бразіліі. У краіне адкрылася найбуйнейшая ў Лацінскай Амерыцы агратэхналагічная выстава AgriShow 2023. Упершыню ў гісторыі ў ёй бяруць удзел і беларускія прадпрыемствы.

Сяргей Лукашэвіч, Надзвычайны і Паўнамоцны Пасол Беларусі ў Бразіліі, адзначыў, што ў сучасных рэаліях беларускія дыпламаты не толькі спрыяюць развіццю экспарту, але і вырашаюць пытанні крытычнага імпарту. Сёлета зафіксавана рэкордная колькасць удзельнікаў выставы, што нядзіўна, з улікам ключавога значэння AgriShow для аграрнага сектара Паўднёвай Амерыкі. Прадоўжыцца выстава да 5 мая.