У Беларусі будуць збіраць свае электракары

Да 2025 года беларусы плануюць максімальна асвоіць зборку сваіх электракараў, адзначыў першы віцэ-прэм'ер Мікалай Снапкоў на нарадзе з прадстаўнікамі айчынных прадпрыемстваў машынабудавання. Зрабіць сваю машыну на батарэі - адно з даручэнняў Прэзідэнта. У планах і распрацоўка бензінавай або гібрыднай легкавушкі. Зараз разглядаецца пул партнёраў з Кітая і Паўднёвай Карэі і стварэнне ўласнага канструктарскага бюро.