Дэлегацыя правінцыі Хэйлунцзян знаёміцца з патэнцыялам Аршанскага рэгіёна

Прадукцыя Аршанскага льнокамбіната з'явіцца на кітайскіх гандлёвых анлайн-пляцоўках. Новыя магчымасці для супрацоўніцтва абмеркавалі сёння падчас візіту дэлегацыі з Кітая.

У адміністрацыйным цэнтры правінцыі (горад Харбін) размешчаны найбуйнейшы ў Кітаі льнокамбінат. У сярэдзіне мінулага стагоддзя першыя перапрацоўшчыкі з КНР праходзілі навучанне ў Оршы. Тэкстыльшчыкі азнаёміліся з тэхналогіяй катанізацыі сыравіны і вытворчасці паліўных брыкетаў з кастрыцы і пуху. На іх працуе ўласная кацельня.

Заўтра дэлегацыя правінцыі Хэйлунцзян возьме ўдзел у XI Міжнародным эканамічным форуме.