Бульбы і асноўных відаў агародніны хопіць для Мінска да канца вясны

Сталічныя стабілізацыйныя фонды актыўна ўключыліся ў работу па забеспячэнні сацаб'ектаў, а таксама магазінаў харчаваннем у зімовы перыяд. Сёлета аб'ёмы закладкі бульбы і ўсіх асноўных відаў агародніны павялічылі ў параўнанні з мінулым. Яго хопіць для горада да канца вясны. Пра гэта сёння заявілі на прадпрыемстве "Партызанскае", якое з рабочым візітам наведалі старшыня Савета Рэспублікі Наталля Качанава і мэр Мінска Уладзімір Кухараў. Госці азнаёміліся з умовамі захоўвання агародніны і яблыкаў. Кісла-салодкіх пладоў, дарэчы, захоўваецца 800 тон. Наталлю Качанаву цікавілі ў тым ліку і пытанні закупачных, рознічных цэн і асартымент. Была і магчымасць коратка пагутарыць з рабочымі прадпрыемства.

Адзначым, у наступным годзе сталічнае прадпрыемства "Партызанскае" адзначыць 25-годдзе. Яно адно з найбуйнейшых у краіне, якое займаецца аптовым гандлем сельгаспрадукцыяй.