Лукашэнка: Пераламаць негатыўныя тэндэнцыі ў рабоце Гомельскай вобласці можна толькі напружанай працай

Пераламаць негатыўныя тэндэнцыі ў рабоце Гомельскай вобласці можна толькі напружанай працай! Гэта кіраўнік дзяржавы заявіў сёння на нарадзе па развіцці аграпрамысловага комплексу рэгіёна.

Прэзідэнт прыбыў у Гомель, каб на месцы грунтоўна разабраць праблемы і знайсці шляхі іх рашэння. У Гомельскім аблвыканкаме сабраліся ўсе, ад чыіх кіраўніцкіх рашэнняў залежыць развіццё АПК.

Аляксандр Лукашэнка адразу папярэдзіў, што размова будзе сур'ёзнай - успрымаць яе варта па-мужчынску і без крыўд. Кожны з удзельнікаў нарады павінен вярнуцца ў раён або гаспадарку, каб напружана працаваць з поўнай самааддачай і патрабаваць таго ж ад падпарадкаваных.