МАРГ: беларускае заканадаўства не стрымлівае развіццё гандлёвых сетак

Міністэрства антыманапольнага рэгулявання і гандлю за захаванне для рэтэйлу дзеючай долі 20 % у рознічным тавараабароце на пэўнай тэрыторыі. Гэтае пытанне абмяркоўвалася на пляцоўцы сталічнага Саюза прадпрымальнікаў і работадаўцаў. Пазіцыю дзяржоргана падзяляе бізнес - павелічэнне рыначнай сілы для сетак можа прывесці да закрыцця прыватных магазінаў ля дома і да цэнававай нестабільнасці на рынку. Рэгулятар адзначае: дзеючае ў Беларусі заканадаўства не стрымлівае развіццё гандлёвых сетак.

Ужо заўтра папраўкі ў закон аб гандлі будуць абмяркоўвацца Палатай прадстаўнікоў. Усе яны падтрыманы дэпутацкім корпусам, адкрытым застаецца толькі пытанне з доляй сетак на рынку.