Міжнародны эканамічны форум "Інавацыі. Інвестыцыі. Перспектывы" праходзіць у Віцебску

Больш як 30 бізнес-дэлегацый і прадстаўнікі дыпкорпуса з 15 краін свету сталі ўдзельнікамі Міжнароднага эканамічнага форуму ў Віцебску. Галоўны ў рэгіёне - ён праходзіць пад назвай "Інавацыі. Інвестыцыі. Перспектывы". Асноўная тэма - лічбавая эканоміка як драйвер інавацыйнага развіцця рэгіёна. Па выніках года ў эканоміку Віцебскай вобласці будзе накіравана інвестыцый на суму 3 мільярды рублёў, створана больш як 3 тысячы рабочых месцаў, запушчаныя інавацыйныя вытворчасці ў машынабудаванні, дрэваапрацоўцы, аграрным бізнесе. На сайце форуму размешчаныя планы рэгіёна і прапановы для інвестараў. Так, у будучым годзе на плошчах ААТ "Полацк-Шкловалакно" сумесна з расійскім бізнесам будзе рэалізаваны праект па вытворчасці кампазітнай арматуры. Аб'ём інвестыцый - больш як 50 мільёнаў расійскіх рублёў. На першапачатковым этапе будзе створана 20 рабочых месцаў, а да канца наступнага года лік супрацоўнікаў павялічыцца.

Зносіны ўдзельнікаў форуму праходзіць як асабіста, так і анлайн. На сувязь з Віцебскам выйшлі кітайскія партнёры. Гаворка ішла аб электронным гандлі, узаемадзеянні ў лёгкай прамысловасці, развіцці транзіту і лагістыкі.