Мінская агароднінная фабрыка вырошчвае больш даступныя па цане таматы чэры, салату айсберг і фітачаі

Смачнае і карыснае імпартазамяшчэнне. На Мінскай агародніннай фабрыцы сталі вырошчваць таматы чэры. Першую партыю ўжо разабралі ў гандлёвых сетках. Па тэхналогіі догляду навінка практычна не адрозніваецца ад звычайнага тамата, але патрабуе больш нізкай тэмпературы, а ўраджайнасць беларускіх чэры вышэйшая. І галоўнае - такія памідоры больш даступныя па цане з улікам адсутнасці выдаткаў на лагістыку. Яшчэ адна навінка - беларуская салата айсберг.

На Мінскай агародніннай фабрыцы працуюць і над новымі відамі прадукцыі. Тут таксама вырошчваюць, збіраюць і выпускаюць фітачаі: дзясяткі найменняў з самымі рознымі смакамі.