На сувязі 118 раёнаў. У Палацы Незалежнасці прайшоў вялікі рэспубліканскі селектар па пытаннях уборачнай кампаніі

Разлікі на ўраджай, праблемы сельскагаспадарчай сферы і сусветны кантэкст. Вялікая селектарная нарада па пытаннях уборачнай кампаніі - сёння ў Палацы Незалежнасці.

Відэаканферэнцый такога маштабу яшчэ не праводзілася. На сувязі абсалютна ўсе 118 раёнаў краіны: старшыні райвыканкамаў, іх намеснікі па галіне, кіраўнікі гаспадарак. Сам фармат размовы - не новая практыка. Падчас уборачнай на рахунку кожная хвіліна, і адцягваць рабочы пул на пераезды проста няма часу. А сама тэма вельмі актуальная: пра глабальны харчовы крызіс сёння гавораць на ўсіх узроўнях і на самых буйных міжнародных пляцоўках.

Для нашай краіны ўборачная кампанія заўсёды тэма нумар адзін. Задача нязменная: забяспечыць харчаваннем усё насельніцтва і зрабіць запас. Прагнозы на сёлетні ўраджай вышэй за леташнія. Па збожжы стаіць планка 10 мільёнаў тон.

Зводкі кантралюючых органаў выявілі галоўныя праблемы. Нягледзячы на такую павышаную ўвагу, шматлікія гаспадаркі завалілі падрыхтоўку да кампаніі. Сёння гэта прастой тэхнікі ў найважнейшы час.

Уборка хлеба - справа ўсенародная. Прэзідэнт даручыў забяспечыць усім неабходным тых, хто працуе ў полі. Патрэбна максімальная аддача, дапусціць страты - значыць удабраць зямлю грашыма. У кожным рэгіёне свае асаблівасці і праблемы, менавіта таму сёння падрабязны іспыт на гатоўнасць трымала кожная вобласць.