Новыя вытворчыя лініі на Гомельскім заводзе ліцця і нармаляў - падарунак да Дня машынабудаўніка
Аўтар:Рэдакцыя news.by
Напярэдадні Дня машынабудаўніка на Гомельскім заводзе ліцця і нармаляў запусцілі новыя вытворчыя лініі. Усе працэсы на ўчастках аўтаматызаваныя. Фармовачная лінія дазволіць утрая павялічыць выпуск адлівак са сталі, шэрага і высокатрывалага чыгуну і ўтрая наросціць аб'ёмы вытворчасці новая гальванічная лінія. Яна забяспечыць якаснае цынкаванне і храміраванне металу без урону навакольнаму асяроддзю.
Завод ліцця і нармаляў уваходзіць у склад кампаніі "Гомсельмаш" - найбуйнейшага вытворцы сельгастэхнікі. Новыя лініі забяспечаць рэсурсамі сам холдынг, унутраны і знешні рынкі.