Новы беларускі трактар прэзентавалі на выставе ў Кітаі

Новую мадэль трактара BELARUS-3523 магутнасцю 350 конскіх сіл прэзентавалі на міжнароднай выставе сельгастэхнікі ў Кітаі. Асаблівасці навінкі - электрамеханічная трансмісія і дызельны рухавік. Наведвальнікі змаглі не толькі візуальна ацаніць мадэль, але і правесці тэст-драйв. Згодна з падлікамі арганізатараў, стэнд з трактарам BELARUS наведалі больш за 2 тысячы чалавек, якія ацанілі беларускую машыну з прафесійнага пункта погляду. Сярод пераваг адзначылі сістэму трансмісіі новага пакалення, функцыянальнасць трактара, а таксама высокую якасць і надзейнасць матэрыялаў.