Падрыхтоўка да пасяўной: аграрыі апрацоўваюць глебу

Закласці падмурак пад будучы ўраджай і ў тэрмін правесці палявыя работы! Аграрыі Мінскай вобласці рыхтуюцца да яравой сяўбы: апрацоўваюць глебу і ўносяць падкормку. Асаблівая ўвага ў гэты перыяд - таксама стану азімых культур. Каб усходы актыўна і правільна развіваліся, распыляюць азотныя сумесі. У гаспадарцы "Крутагор'е-Петкавічы", напрыклад, восенню пасеялі тры тысячы хлебных гектараў. Тым часам яравы клін складзе амаль 2 тысячы: гэта збожжавыя і зернебабовыя культуры. Пра ўраджайныя агратэхналогіі - Алена Вітко. Рыхленне глебы, унясенне арганікі, а затым ўзворванне. Такім адзіным звяном зараз працуюць у гаспадарцы "Крутагор'е-Петкавічы". На палі аграрыі Дзяржынскага раёна выйшлі разам з першым пагодлівым пробліскам. Паблізу вёскі Глухоўшчына, напрыклад, ураджайныя плошчы апрацоўваюць пад пасевы кукурузы. Каб ад важнай працы хлебаробаў была не толькі асалода, але і важкі каравай, варта строга прытрымлівацца тэхналогіі. Напрыклад, тут падчас узворвання плуг павінен паглыбляцца прыкладна на 20 сантыметраў. Так пласт глебы цалкам закрые ўнесеныя ўдабрэнні і неабходную вільгаць. Трактары, машыны, спецыяльныя агрэгаты - да сезона ўсё адрамантавалі. За прадуктыўнасць гэтай энерганасычанай тэхнікі адказвае Сяргей Максімец. Механізатар, чыё імя ведае ўся краіна. Ён намалаціў 6 тысяч залатых тон і стаў сапраўдным героем жніва - 2022. Курс на рэкорды трымае і сёлета. Але перад тым, як сесці за штурвал камбайна, трэба закласці падмурак пад наліўныя каласы. Пасяўную ў гаспадарцы пачнуць у найбліжэйшыя дні. Яравы клін збожжавых і зернебабовых - амаль дзве тысячы гектараў. Азімых яшчэ тры; плюс тысяча рапсу. Гэты ўчастак амаль 30 гектараў: тут расце азімая пшаніца. І як мы бачым, усходы зялёныя, густыя - значыць, культура добра перазімавала. Цяпер жа на плантацыі выйшлі манеўраныя росы. Правялі першую апрацоўку, зараз другі этап. Работы выкананы на 70 працэнтаў. Аддачу ад азімых збожжавых чакаюць сур'ёзную: іх у Цэнтральным рэгіёне амаль 350 тысяч гектараў. Тым часам завяршыць сяўбу ранняй групы яравых культур плануюць да 20 красавіка. З улікам кукурузы, грэчкі, рапсу - гэта больш чым паўмільёна гектараў.