Пасяўная-2022: КДК Беларусі праводзіць маніторынг гатоўнасці да вясенне-палявых работ

Дзяржкантроль працягвае маніторынг гатоўнасці да вясенне-палявых работ. Пільная ўвага рамонту тэхнікі, аб гэтым аграрыі павінны паклапаціцца загадзя. У першую чаргу на лінейцы гатоўнасці энерганасычаныя трактары. Некаторым гаспадаркам, як адзначаюць спецыялісты, неабходна значна паскорыць тэмпы работ у майстэрнях. На поўначы краіны яравы клін складзе 314 тысяч гектараў. Калі надвор'е паспрыяе, пасяўная ў Віцебскай вобласці можа пачацца ў першы тыдзень красавіка.