Прэзідэнт: Сховішчы плодаагародніннай прадукцыі павінны быць максімальна запоўнены

Cельгасвытворцам з рэгіёнаў дапамогуць у продажы прадукцыі ў Мінску, а лес для будаўніцтва дамоў стане больш даступным - неабходна прадумаць меры для яго патаннення. Прэзідэнт Аляксандр Лукашэнка сёння даў такія даручэнні падчас рабочай паездкі ў Гродзенскую вобласць.

Яшчэ адна задача - максімальна запоўніць у краіне сховішчы плодаагародніннай прадукцыі. У цэнтры ўвагі кіраўніка дзяржавы пытанні палявых работ, уборачнай кампаніі ў краіне і рэгіёне, а таксама культура земляробства на прыкладзе вытворчага кааператыва імя Крамко. Самы перадавы вопыт трэба распаўсюджваць па ўсёй краіне. На тэрыторыі гаспадаркі размешчаны дваццаць адзін населены пункт, у якіх пражываюць больш за 2 тысячы чалавек. Кааператыў неаднаразова быў пераможцам розных спаборніцтваў раённага, абласнога і рэспубліканскага ўзроўняў. Неаднаразова, у тым ліку і ў 2021 годзе, быў занесены на Рэспубліканскую Дошку гонару. Яшчэ адным акцэнтам у тэматычнай палітры рабочай паездкі кіраўніка дзяржавы стане імпартазамяшчэнне ў галіне сельгастэхнікі. Чакаецца, што Аляксандр Лукашэнка таксама правядзе нараду па пытаннях закладкі садоў і забеспячэння ўнутранага рынку плодаагародніннай прадукцыяй.