Транспартна-лагістычны цэнтр "Белтаможсэрвіса" актывізуе працу ў Кітайска-беларускім індустрыяльным парку

Новыя аб'екты бізнесу і інфраструктуры "Вялікага каменя"! У Кітайска-беларускім індустрыяльным парку актывізуе працу транспартна-лагістычны цэнтр "Белтаможсэрвіса". Будынак можа адначасова абслугоўваць на пагрузцы-выгрузцы больш чым 40 аўтамабіляў. А ў распараджэнні кампаній складскі комплекс больш чым на 15 тысяч квадратных метраў. Найбуйнейшы нацыянальны лагістычны аператар выбраў для свайго цэнтра стратэгічнае месцазнаходжанне. Бо "Вялікі камень" - гэта апорны пункт эканамічнага пояса Шаўковага шляху паміж Кітаем і Еўропай.

У наступным годзе адкрыецца і яшчэ адзін буйны аб'ект "Вялікага каменя". Адна з кампаній будуе шматфункцыянальны комплекс з гасцініцай і канферэнц-холамі. У 2022 годзе Беларусь і Кітай адзначаць 30-годдзе дыпламатычных адносін.