У Расіі адкрыты 11 мультыбрэндавых цэнтраў беларускай тэхнікі

І ў сельскай гаспадарцы, і ў прамысловасці без якаснай сучаснай прадукцыі машынабудавання сёння не дабіцца поспеху. У Расіі адкрыты ўжо 11 мультыбрэндавых цэнтраў беларускай тэхнікі.

Пра іх працу гаварылі 11 сакавіка на пасяджэнні Прэзідыума Савета міністраў. Як адзначыў прэм'ер-міністр Аляксандр Турчын, гэтыя праекты павінны быць не толькі іміджавымі, але яшчэ эканамічна эфектыўнымі. Галоўнае, каб цэнтры спрыялі нарошчванню экспарту беларускай прадукцыі. Продажы прадпрыемствы могуць весці як самастойна, так і з дапамогай расійскіх партнёраў. МАЗ, БЕЛАЗ, МТЗ і Гомсельмаш - усе гэтыя брэнды добра сябе адчуваюць практычна ў кожным рэгіёне вялікай краіны. Але важна ўлічваць патрабаванні часу і прапаноўваць пакупнікам якасны сэрвіс.

Андрэй Кузняцоў, міністр прамысловасці Беларусі:

"Самая галоўная справа за пяцігодку - эфектыўнасць гэтых мультыбрэндавых цэнтраў, каб мы рэкламавалі свой беларускі брэнд. Зараз у стратэгіі дадалі тое, што нашы выставачныя ўсе мерапрыемствы ў Расійскай Федэрацыі будуць праходзіць пад назвай "Беларускі дворык, беларускія машыны".

І яшчэ адна важная частка стратэгіі па прасоўванні нашай тэхнікі - стварэнне мультыбрэндавых класаў для навучання спецыялістаў як на базе цэнтраў, так і расійскіх ВНУ. Такая практыка таксама будзе пашырана.