Дворык Нацыянальнага гістарычнага музея ператварыўся у Будапешт

Будапешт у цэнтры Мінска! У венгерскую сталіцу на некалькі гадзін ператварыўся дворык Нацыянальнага гістарычнага музея. Пазнаёміцца з адным з самых прыгожых еўрапейскіх гарадоў можна было праз фотавыставу начных урбаністычных пейзажаў. А дакрануцца да культуры Венгрыі праз гастранамічнае шоу, прагляд венгерскіх кінастужак, а таксама праслухоўванне нацыянальнай музыкі.

Будапешт - адзіная ў Еўропе сталіца, якая адначасова лічыцца курортам. Такое званне горад атрымаў дзякуючы вялікай колькасці крыніц з тэрмальнай і лячэбнай вадой.