Да 90-годдзя Анатоля Анікейчыка - выстава ў новым корпусе Нацыянальнага мастацкага

Вучань Глебава, Азгура і Бембеля, які не застаўся ў цені майстроў, а стаў мэтрам беларускай скульптуры другой паловы XX стагоддзя - да 90-годдзя Анатоля Анікейчыка яго мастацтва ў аб'ёме экспануюць у новым корпусе Нацыянальнага мастацкага. Ён мінуў званне заслужаны і ў 40 гадоў стаў народным мастаком, ствараў манументальныя кампазіцыі, знаёмыя кожнаму беларусу. Так, у сааўтарстве з'явіўся помнік Янку Купалу ў аднайменным парку, кампазіцыя ля Чырвонага касцёла таксама справа рук майстра. Скульптар увайшоў у плеяду так званых шасцідзясятнікаў, выпускнікоў Мінскага тэатральна-мастацкага інстытута (сённяшняй Акадэміі мастацтваў). Займаўся выкладчыцкай дзейнасцю і ў бронзе, камені і гіпсе фіксаваў партрэты людзей, якія пісалі гісторыю: Ахматаву, Маякоўскага, Кастра, Чэ Гевару.

У экспазіцыі і фінальны этап творчасці майстра і вялікага прыхільніка рускай літаратуры - "Пушкініяна" Анікейчыка. Усяго ў фондавай калекцыі Нацыянальнага мастацкага захоўваецца 24 яго творы. Другім па значнасці зборам работ скульптара валодае Магілёўскі абласны мастацкі музей.