Уладзімір Канонік свае скульптуры, якія ўпрыгожваюць ландшафты ў гарадках Беларусі, робіць з металалому і аўтамабільнага ўтылю

У яго няма сваёй галерэі, але работы гэтага майстра ведае ўся Беларусь. Мастак па метале і прадстаўнік арт-кірунку стымпанк Уладзімір Канонік - аўтар прыдарожных скульптур і трансформ-аб'ектаў на аўтазапраўках. З паўсотні яго работ упрыгожваюць ландшафты ў гарадках і вёсках, становяцца брэндамі рэгіёнаў. Свае творы каваль робіць з металалому і аўтамабільнага ўтылю.

Уладзімір мае сваю майстэрню ў Фаніпалі. Мастак сабраў каманду аднадумцаў. Зрэшты, акрамя смелых па дызайне стымпанк-скульптур, майстар супрацоўнічае з царквой: вырабляе прыходскія альтанкі, агароджы, званіцы і крыжы.