Культурны маршрут у выхадныя ў рубрыцы "Праменад"

Праменад па найбуйнейшай выставе ў нашай краіне можна зрабіць ужо сёння. "Арт-Мінск", яго канцэнтрацыя шосты раз у Палацы мастацтва. Адкрыццё фестывалю мастакоў ідзе ў гэтыя хвіліны. Тым часам у Мастацкім - прысвячэнне наватару Кішчанку. А Вялікі запрашае на "ката ў мяшку". Артысты выйдуць да гледача ў невідавочных амплуа. Але нашай здымачнай группе давялося "пачуць" падрабязнасці! Маршрут рубрыкі "Праменад" распрацавала Лідзія Заблоцкая.

Статус горада - зноў "Арт-Мінск". У маі асабліва прыгожа расцвітаюць сцены Палаца мастацтва. Тут палатно на 2 тысячы квадратных метраў. І толькі для смелых выказванняў. Тут размясцілі паўтысячы твораў. І гэта рэкорд.

Лабірынт фестывалю вымалёўваўся яшчэ ўчора. Алё сёння выставу афіцыйна прэзентуюць. На "Арт-Мінску" - 200 мастакоў. Ніякіх межаў па ўзросту і адукацыі. Геаграфія - ад Брэста да Наваполацка. Лепшых - па якасці, не па сэнсах - адбірала журы. З чатырох тысяч работ, якія ў кантэксце года. Што баліць у арт-суполцы - адказы шукаць гледачам.

Хто аўтар і пра што твор - падрабязнасці па QR-кодзе на этыкетцы. Работы можна і набыць, і проста падтрымаць мастакоў сваім лайкам.

А гуру, які атрымаў лайк ад Кнігі рэкордаў Гінэса за "Габелен века", зараз упрыгожвае галоўную галерэю Мастацкага.

Народнаму Аляксандру Кішчанку магло б споўніцца заўтра 90. Вядомы па мазаіках і пано з лёну і шэрсці - наватар ствараў у жывапісе "вокны-ілюмінатары". Партрэты - на "касмічных" фонах. Тут паўсотні яго палотнаў. Большасць з сямейнай калекцыі.

Камсамольцы, сланечнікі, верасень і дары планеты - як ён іх бачыў алеем. Рэмінісцэнцыі - ці да Ван Гога? Разважаем да 9 ліпеня.

Не ўсё так відавочна будзе ў гэтую нядзелю ў Вялікім. Канцэрт - сапраўдны "кот у мяшку". Артысты оперы і балета рыхтуюць сюрпрыз. Купіць квіток - прыемная рызыка. Ніхто, акрамя рэжысёра, не ведае праграмы і тых амплуа, у якіх з'явяцца музыканты, толькі народная Масквіна спецыяльна для "Праменада" зрабіла "гітарны" намёк.

А менш чым праз гадзіну - "Рэчанька" пальецца з саксафонаў! Аркестр "Белсакса" - на авансцэне праз два месяцы рэпетыцый.

Ад студэнтаў да гуру - яны агучаць плаціну некалькіх эпох. У партытурах - Хачатуран, Чайкоўскі і Малінэлі.

Саксафон будзе танчыць у галоўнай зале Белдзяржфілармоніі. А больш культурных явак і арт-пароляў - на сайце БТ. А таксама сачыце за навінамі кожную раніцу на тэлеканале "Беларусь 1".