Прыём заявак для ўдзелу ў нацадборы на "Еўрабачанне-2021" да 31 студзеня

Гэта нядзеля - апошні дзень прыёму заявак для ўдзелу ў нацыянальным адборы на "Еўрабачанне-2021". Арганізатарам праекта традыцыйна выступае Белтэлерадыёкампанія. Прыём заявак праходзіць на афіцыйным сайце кампаніі tvr.by. Там можна азнаёміцца з палажэннем конкурсу і размясціць неабходныя дакументы, інфармацыю пра сябе і песню.

Да ўдзелу запрашаюцца як сольныя выканаўцы, так і калектывы саставам да 6 чалавек. Кандыдатамі могуць стаць артысты ад 16 гадоў. Згодна з ўмовамі конкурсу, песня павінна быць камерцыйна не рэалізаваная і доўжыцца не больш за 3 хвіліны. Моўныя абмежаванні адсутнічаюць. Нагадаем, пераможца праекта прадставіць нашу краіну на "Еўрабачанні-2021" у Ратэрдаме.