Цэнтр сучасных мастацтваў запрашае адчуць сілу шэпту

Адчуць магічную сілу шэпту запрашае Нацыянальны цэнтр сучасных мастацтваў. Праект Сяргея Лескеця "Шэпт " прысвечаны старажытнай беларускай традыцыі - лячыць замовамі і словам. Дзевяць гадоў фатограф даследаваў свет вясковай магіі. Ён падарожнічаў з вёскі ў вёску ў пошуках чараўнікоў, лекараў і зёлак. На выставе прадэманстравана серыя партрэтаў - носьбітаў самай закрытай і ахоўнай традыцыі - лячэння словам. Можна ўбачыць і некаторыя атрыбуты сакральных рытуалаў лекараў. Фатаграфіі, відэа, аб'екты і гук дазволяць гледачу дакрануцца да старажытных беларускіх ведаў.

Убачыць традыцыю, закрытую для пабочных, і акунуцца ў магічную атмасферу беларускай глыбінкі можна на працягу месяца.