Ваенная гісторыя мовай танца - тэлеспектакль ад ансамбля "Харошкі" ў "студыі 600" на Макаёнка, 9

Вяртанне традыцыі тэлеспектакляў. У "студыі 600" на Макаёнка, 9 "Харошкі"! У Год гістарычнай памяці заслужаны харэаграфічны ансамбль сумесна з каналам "Беларусь 3" пакажуць праграму "Ад смуткуда вяселля". Гэта цяжкая гісторыя ліхалецця мовай танца ў пастаноўцы народнай артысткі Беларусі, мастацкага кіраўніка і стваральніка калектыву Валянціны Гаявой. Усе харэаграфічныя пастаноўкі сюжэтамі абапіраюцца на рэальныя гісторыі часоў Вялікай Айчыннай вайны. У канцэрце гучыць музыка кампазітара Марыны Марозавай, народныя мелодыі ў апрацоўцы Уладзіміра Гінько, народнага артыста Беларусі Васіля Раінчыка, народнага артыста СССР Іосіфа Жыновіча. Для кожнага нумара былі створаныя новыя касцюмы.

У харэаграфічным спектаклі задзейнічаная амаль уся трупа "Харошак". Убачыць праграму можна 10 мая на сцэне Белдзяржфілармоніі, тэлеверсія пастаноўкі ў эфіры "Беларусь 3" будзе прымеркаваная да Дня Незалежнасці.