13 машын "Амкадара" адправяцца ў лясгасы Беларусі на ачыстку лясоў ад бураломаў

13 адзінак моцнай тэхнікі "Амкадар" адправяцца ў лясгасы Беларусі для ліквідацыі наступстваў прыроднай стыхіі ў лясах. Сам жа флагман рэалізуе інвестпраекты ў Лагойску - ідзе мадэрнізацыя завода па выпуску тэхнікі для лесапрамысловага комплексу. І калі сёння магутнасць прадпрыемства складае амаль 15 машын за месяц, на новым яна будзе ў два разы большая. Узровень лакалізацыі - звыш 90%. Для эканомікі Мінскай вобласці гэта яшчэ 50 рабочых месцаў. Адкрыццё мадэрнізаванай вытворчасці плануецца да канца года.

Рэалізацыя праекта "Амкадар" у Лагойску, а таксама расійскім Петразаводску - магчымасць выпускаць за год амаль тысячу машын. А гэта палова ад патрэб адной толькі Расіі.