14 мая Беларусь адзначыць Дзень дзяржаўных сімвалаў

Беларусь рыхтуецца адзначыць Дзень дзяржаўных флага, герба і гімна. Свята прыпадае на кожную другую нядзелю мая. Урачыстыя мерапрыемствы пройдуць ва ўсіх рэгіёнах.

Цэнтрам святкаванняў стане плошча Дзяржаўнага флага ў сталіцы, дзе адбудзецца рытуал ушаноўвання дзяржаўных сімвалаў. Старт заўтра а 10-й раніцы. Сёння тут ужо прайшла генеральная рэпетыцыя. Гэта асабліва хвалюючы момант для моладзі, якая ўпершыню возьме ўдзел у цырымоніі. Для дзяцей, якія дасягнулі паўналецця, гэта сімвалічны рытуал - клятва вернасці. У мерапрыемстве возьмуць удзел каля пяці тысяч чалавек з усёй краіны.

Дарэчы, на верхняй пляцоўцы тут арганізуюць выставу, прысвечаную 25-годдзю са дня заснавання свята, а таксама дасягненням краіны за гады незалежнасці. Нагадаем, плошча Дзяржаўнага флага адкрылася ў Мінску 2 ліпеня 2013 года. Тады на цырымоніі была закладзена патрыятычная традыцыя прынясення клятвы вернасці Дзяржаўнаму флагу - сімвалу незалежнасці. З тых часоў на сталічнай плошчы праходзяць святочныя мерапрыемствы - урачыста адкрываюцца працоўныя семестры, маладыя афіцэры прымаюць воінскую прысягу, а юныя грамадзяне краіны атрымліваюць свае першыя пашпарты.