22 красавіка ў Беларусі пройдзе рэспубліканскі суботнік

Такі дзень бывае раз на год. Калі агульнымі намаганнямі імкнуцца зрабіць двор, пасёлак, горад, цэлую краіну прыгажэйшай і чысцейшай. Мэта хоць і важная, але не адзіная. Усе заробленыя заўтра грошы пойдуць на аднаўленне гістарычных аб'ектаў у Беларусі.

Як плануецца, з 12 мільёнаў палову накіруюць на рэканструкцыю мемарыяла вязням Азарыцкага лагера смерці. Астатняе пералічаць на стварэнне патрыятычнага цэнтра. Яго адкрыюць на базе Кобрынскага ўмацавання Брэсцкай крэпасці. Мы аддаём даніну памяці мінуламу. І гэта вельмі сімвалічна, бо гэты год - Год міру і стваральнай працы. Пакінуць свой чысты і стваральны след на роднай зямлі - ці гэта не гісторыя?! На шматлікіх значных аб'ектах у краіне заўтра будзе кіпець праца.

На суботнік выйдуць 3 млн беларусаў. Традыцыю навядзення парадку як заўсёды падтрымае і кіраўнік дзяржавы. У розныя гады Аляксандр Лукашэнка працаваў і на малой радзіме і на найважнейшых аб'ектах краіны. Летась - на добраўпарадкаванні мемарыяльнага комплексу "Хатынь". Літаральна месяц - на 80-ю гадавіну трагедыі - комплекс паўстаў у абноўленым абліччы пасля рэканструкцыі.