25 гадоў у Сетцы - афіцыйны сайт Белтэлерадыёкампаніі адзначае юбілей

Сёння спаўняецца 25 гадоў з таго дня, як Белтэлерадыёкампанія выйшла ў Сусветную сетку.

1 красавіка 2000 года галоўны медыяхолдынг Беларусі запусціў уласны сайт tvr.by, у інфармацыйнай стужцы якога выходзілі як навіны, так і тэматычныя праекты Белтэлерадыёкампаніі.

А з 2011 года ў карыстальнікаў сайта з'явілася магчымасць сачыць за ТБ- і радыё-эфірам у рэжыме LIFE. Рэсурс аб'яднаў 4 тэлеканалы ("Беларусь 1", "Беларусь 2", "Беларусь 24", "НТБ-Беларусь"), і 5 радыёстанцый (Першы нацыянальны, канал "Культура", радыё "Беларусь", "Сталіца" і "Радыус FM").

Медыяпартал з'яўляўся адной з найбуйнейшых у Беларусі крыніц інфармацыі пра жыццё ў краіне і за мяжой. Доступ да яе можна было атрымаць з любога месца свету.

У 2024 годзе быў праведзены маштабны рэбрэндынг, і 18 верасня Белтэлерадыёкампанія прадставіла цалкам новы рэсурс - NEWS.BY. Гэта сучасны сайт з шырэйшымі магчымасцямі, але пры гэтым ён захаваў усё лепшае, што падабалася карыстальнікам tvr.by.

Сайт працуе адразу ў трох моўных версіях: рускай, беларускай і англійскай. Акрамя краін СНД,  нас чытаюць у Кітаі, ЗША і шэрагу еўрапейскіх краін.

Электронныя фонды NEWS.BY налічваюць сотні тысяч файлаў. Такой колькасці кантэнту няма ні на адным беларускім рэсурсе.