80 гадоў таму было знішчана Мінскае гета - у беларускай сталіцы каля мемарыяльнага комплексу "Яма" адбыўся мітынг-рэквіем

Боль, у якога няма тэрміну даўнасці. 80 гадоў таму было знішчана Мінскае гета -адно з самых буйных у Еўропе. За 800 дзён існавання Мінскага гета ў ім загінулі каля 100 тысяч чалавек.

Сёння ў Мінску каля мемарыяльнага комплексу "Яма" адбыўся мітынг-рэквіем. Ушанаваць памяць загінуўшых сабраліся кіраўнікі Саюза беларускіх яўрэйскіх грамадскіх арганізацый, ветэраны і студэнты. Таксама на памятнай цырымоніі прысутнічалі прадстаўнікі пасольстваў Ізраіля, Германіі, Вялікабрытаніі, Грузіі і іншых дзяржаў.

Мемарыяльны комплекс "Яма" - першы помнік ахвярам халакосту ў Савецкім Саюзе. Тут высаджана Алея праведнікаў свету. У праграме Дзён памяці трагедыі Мінскага гета запланаваны шэраг мерапрыемстваў. Выставачныя праекты, памятныя вечары ў беларускай сталіцы будуць праходзіць да канца тыдня.