А. Лукашэнка: Беларусь перажывае цяжкі перыяд станаўлення дзяржаўнасці

Беларусь перажывае цяжкі перыяд станаўлення дзяржаўнасці, і гэта звязана, у тым ліку, са зменай пакаленняў. Так на тыдні выказаўся прэзідэнт, наведваючы БНТУ. Падстава для візіту была значнай - вядучая тэхнічная ВНУ краіны адзначыла векавы юбілей! Універсітэт стаў родапачынальнікам інжынернай думкі і інжынернай творчасці ў краіне. Увесь гэты час тут рыхтуюць запатрабаваных спецыялістаў тэхнічнага профілю.

Выпускнікі ВНУ прыклалі руку да ўсіх знакавых аб'ектаў Беларусі - ад Нацыянальнай бібліятэкі і "Мінск-Арэны" да атамнай станцыі. Гэта значыць, іх стараннямі пазначылася аблічча сучаснай краіны. Так што, невыпадкова менавіта на сустрэчы з калектывам універсітэта, дзе атмасфера спрыяла глыбокай гутарцы, прагучала галоўнае.