Адзіны дзень прыёму грамадзян праходзіць у Мінскай вобласці. Якія пытанні хвалююць беларусаў?

Адзіны дзень прыёму грамадзян у Мінскай вобласці 3 сакавіка праводзяць члены Савета Рэспублікі.

Сабраць агульны зрэз праблем і аказаць садзейнічанне ў іх вырашэнні. Нярэдка размова на месцах дае глебу для будучых заканадаўчых навацый.

22 гарады Мінскай вобласці сёння ахоплівае адзіны прыём грамадзян.

Старшыня Савета Рэспублікі Наталля Качанава сёння прымае ў Барысаве, у Лагойску прыём грамадзян вядзе намеснік старшыні Сяргей Хаменка. У спісе - 12 чалавек, але ён не канчатковы - ахвочых значна больш. І варта таксама падкрэсліць, што акрамя грамадзян Мінскай вобласці ў Лагойск агучыць свае праблемныя пытанні прыехалі людзі з Віцебска, Брэста і Рэчыцы.

Тэматыка пытанняў розная. Тыя, хто прыйшлі на прыём, уздымалі пытанне рамонту ўчастку дарогі ад гарадскога пасёлка Плешчаніцы да вёскі Рудня, аб працаўладкаванні, пенсіённым забеспячэнні, таксама гучалі жыллёвыя пытанні, у прыватнасці, аб уводзе ў эксплуатацыю жылых дамоў.

Па выніках адзінага дня прыёму грамадзян у вобласці ўсе пытанні акумулююцца для таго, каб выявіць сістэмныя, нярэдка яны ідуць у аснову будучых правак заканадаўства.