Акт вандалізму ў школе

Разбітыя вокны, вырваная сістэма вентыляцыі і сапсаваныя кандыцыянеры - такія наступствы пагрому ў сталічнай школе № 59. Акт вандалізму ўчынілі невядомыя мінулай ноччу. Шкло пасыпалася ў басейн, яго функцыянаванне прыйшлося спыніць. І гэта прытым, што многія дзеці планавалі плаваць падчас восеньскіх канікул. Сёння ва ўстановах адукацыі пачалі працаваць дзіцячыя лагеры. Напэўна, баўленне вольнага часу на водных дарожках прыйдзецца адкласці на няпэўны тэрмін. Вядома, што на дах навучальнай установы дэбашыры падняліся па пажарнай лесвіцы, гэта ўжо можна лічыць незаконным пранікненнем. Сума ўрону падлічваецца. Акрамя таго, невядомыя вырвалі камеру відэаназірання і панеслі з сабой. Што сваімі дзеяннямі хацелі сказаць зламыснікі - не зусім зразумела. Але адназначна зразумела: адпачынак дзецям сапсаваны, а ў дарослых дадалося клопатаў.

Дарэчы, камеры відэаназірання зафіксавалі маладога чалавека, які позна вечарам гуляў ля школы. Калі вы пазналі юнака, паведаміце ў міліцыю.