Аляксандр Лукашэнка ў Раство наведаў храм Святога прарока Іаана Прадцечы пад Мінскам

Светлае свята Раства Хрыстовага адзначаюць сёння праваслаўныя. З вернікамі гэты асаблівы дзень па традыцыі праводзіць і наш Прэзідэнт.

Аляксандр Лукашэнка наведаў новы праваслаўны храм пад Мінскам у невялікім аграгарадку Шаршуны. У свой час Прэзідэнт асабіста зацвердзіў яго праект. Хацелася, каб храм атрымаўся зручным і ўтульным для тых простых працаўнікоў, якія жывуць на гэтай зямлі. Увасабленне мары мясцовых жыхароў стала магчыма ў тым ліку дзякуючы мецэнацкай падтрымцы. Царква носіць імя Іаана Прадцечы.

У такіх невялікіх мястэчках, як Шаршуны храм становіцца не проста цэнтрам духоўнасці, але і грамадскага жыцця, куды можна прыйсці па малітву і дапамогу. Спачуванне, клопат, падтрымка, неабыякавасць да людскіх праблем асабліва каштоўныя ў наш няпросты час.

Дарэчы, гэты храм адчыніў свае дзверы для вернікаў крыху больш за 3 гады таму. Гэта быў 2020-ы год.

У гэты асаблівы дзень ніяк без падарункаў. Кіраўнік дзяржавы перадаў у дарунак храму абраз Божай Маці "Дзяржаўная". У сваю чаргу Аляксандру Лукашэнку прэзентавалі абраз свяціцеля Мікалая Цудатворца.

Кіраўнік дзяржавы вельмі цёпла пагутарыў з мясцовымі жыхарамі і вернікамі царквы. Многія прыехалі на ранішняе набажэнства з найбліжэйшых населеных пунктаў і сталіцы. Гучалі ўзаемныя пажаданні здароўя, даўгалецця і, вядома, міру і спакою на беларускай зямлі. Хтосьці проста хацеў паціснуць Прэзідэнту руку і падзякаваць за самае каштоўнае, што гэты светлы дзень мы можам спакойна сустрэць сярод родных і блізкіх пад мірным небам.