Арцём Цуран правёў сустрэчу з калектывам Бальніцы хуткай медыцынскай дапамогі - абмеркавалі развіццё аховы здароўя і інфраструктуры ў Мінску

Ад здаровых трэндаў да стварэння медыцынскага савета. Старшыня Мінгарсавета Арцём Цуран сустрэўся з калектывам Бальніцы хуткай медыцынскай дапамогі. Галоўная тэма сустрэчы - развіццё аховы здароўя і інфраструктуры ў Мінску. Асаблівую ўвагу надалі стварэнню ў горадзе зручных і функцыянальных зон для занятку спортам - варкаўт-пляцовак, трэнажораў на адкрытым паветры і веламаршрутаў.

Калектыў Бальніцы хуткай медыцынскай дапамогі прапанаваў стварыць медыцынскія саветы пры гарадскіх структурах, каб меркаванне кожнага медыцынскага спецыяліста было пачута.