Belavia спыняе палёты ў ААЭ да 28 сакавіка ў сувязі з адкліканнем слотаў авіяцыйнымі ўладамі Дубая

У Мінск з Дубая вывазнымі рэйсамі вярнуліся 645 чалавек. Аб гэтым паведамляе БЕЛТА са спасылкай на прэс-службу авіякампаніі.

Выкананне рэгулярных рэйсаў у Дубай часова прыпыняецца да 28 сакавіка бягучага года ў сувязі з адкліканнем слотаў і дазволаў авіяцыйнымі ўладамі Дубая.

На 11 сакавіка запланаваны вывазны рэйс з Дубая. На гэты рэйс можна набыць білеты: актуальна для тых, хто хоча вылецець з Эміратаў, але ў каго няма білетаў авіякампаніі Belavia.

Білеты на адмененыя рэйсы ў Дубай і назад, а таксама з датамі вылету 29, 30 і 31 сакавіка можна вярнуць без штрафаў.

З 6 па 8 сакавіка авіякампанія зрабіла тры вывазныя рэйсы з Дубая. Два рэйсы былі выкананы на самалётах "Боінг-737-800" з тэхпасадкай у Актау, яшчэ адзін - на А330-200. Усяго за тры дні ў Беларусь былі дастаўлены 645 чалавек. Сённяшні вывазны рэйс знаходзіцца на дарозе з Дубая ў Мінск.

Цяпер авіякампанія працуе над атрыманнем новых слотаў і дазволаў на палёты ў Дубай і прадаўжае сачыць за развіццём сітуацыі.