Беларускія будаўнічыя кампаніі запрошаныя для ўдзелу ў самых буйных будоўлях Расіі

Загрузка будаўнічай індустрыі Беларусі будзе забяспечаная, нягледзячы на санкцыі звонку. Гэта датычыцца і экспарту паслуг. Нашы кампаніі запрошаныя для ўдзелу ў самых буйных будоўлях Расіі. Напрыклад, магілёўскі Будтрэст № 12 узводзіць у Варонежы так званую мегашколу. Міжрэгіянальных праектаў будзе больш - заявіў напярэдадні старшыня Пастаяннай камісіі Савета Рэспублікі Міхаіл Русы, сустракаючыся з калектывам інстытута "Магілёўграмадзянпраект". Сёння гэтая арганізацыя працуе стабільна, рэалізуючы каля 300 праектаў па ўсёй краіне: гэта новыя дзіцячыя сады, будаўніцтва жылля, у тым ліку для шматдзетнай катэгорыі сем'яў, таксама праекты ў ахове здароўя

Асобнай тэмай сустрэчы стала абмеркаванне праекта кодэкса аб архітэктурнай, горадабудаўнічай і будаўнічай дзейнасці, збору законаў, якія спросцяць шматлікія працэдуры галіны, але і дададуць адказнасці. А значыць, палепшыцца якасць перадпраектных і будаўнічых прац.