Безбар'ернае асяроддзе больш чым на 120 аб'ектах уладкуюць да канца года ў сталіцы

Толькі ў жылфондзе з'явяцца больш за 70 пад'ёмнікаў і 20 пандусаў: зараз ідуць будаўніча-мантажныя работы. Асаблівая ўвага да даступнага асяроддзя ў месцах сацыяльнай інфраструктуры - гэта паліклінікі, банкі, магазіны і аптэкі. Так, для адаптацыі і камфортнага перамяшчэння там усталёўваюць гукавыя інфарматары, табліцы са шрыфтам Брайля і спецыяльную тактыльную плітку. Акцэнт менавіта на комплексны падыход.

Работы па пашырэнні інклюзіі ў сталіцы вядуцца ў адпаведнасці з дзяржпраграмай "Сацыяльная абарона". Так, у найбліжэйшыя 5 гадоў безбар'ернае асяроддзе ўладкуюць на 450 аб'ектах.