Бяспечныя канікулы: у мінскай гімназіі № 61 арганізавалі флікер-шоу

Паказ мод для бяспечных канікул. У сталічнай гімназіі № 61 арганізавалі флікер-шоу. Школьнікі паказалі самыя яркія ўборы з рознакаляровымі святлоадбівальнікамі. Ацанілі арыгінальныя касцюмы і супрацоўнікі сталічнай Дзяржаўтаінспекцыі. Дарожныя міліцыянеры нагадалі пра важнасць выкарыстання флікераў у цёмны час сутак, пагаварылі і аб правілах пераходу праезнай часткі.

Прафілактычную работу напярэдадні канікул ДАІ вядзе рэгулярна. Размовы з пешаходамі-дарослымі і дзецьмі, а таксама з вадзіцелямі супрацоўнікі праводзяць і на дарогах. Патрулі дзяжураць каля ўстаноў адукацыі і сочаць за бяспекай перамяшчэння.