Баявая падрыхтоўка працягваецца на Барысаўскім палігоне

Баявая падрыхтоўка працягваецца. На Барысаўскім палігоне падраздзяленні механізаваных брыгад вучацца супрацьстаяць бранявым аб’ектам. Мотастралкі і танкісты вядуць агонь кіраванымі ракетамі па ўмоўнай тэхніцы непрыяцеля. Мотастралкі прымяняюць пераносны варыянт супрацьтанкавага комплексу "Фагот", які здольны паразіць цэль на далёкасці каля 4 кіламетраў днём і 3.5 ноччу. Бранябойнасць - 600 міліметраў. Байцы паражаюць бранятэхніку на адлегласці 2 км.
Танкісты вядуць стральбу з баявых машын. Ракета запускаецца праз 125-міліметровую гармату. Прыцэльны комплекс Т-72Б дазваляе кіраваць боепрыпасам з вежы. Ад наводчыка патрабуецца максімальная канцэнтрацыя ўвагі і ювелірная дакладнасць.