Больш за 20 беларускіх выдавецтваў прынялі ўдзел у Міжнародным кніжным кірмашы ва Уфе

Больш за 20 выдавецтваў з Беларусі прынялі ўдзел у Міжнародным кніжным кірмашы "Кітап-Байрам". У сталіцы Башкартастана - Уфе - сабраліся сотні экспертаў і пісьменнікаў з краін СНД. Прадстаўлена звыш 230 выдавецтваў: з Расіі, Азербайджана, Узбекістана, Таджыкістана, Казахстана і Кыргызстана. Беларусь прывезла кнігі на любы густ: мастацкую, палітычную і дзіцячую літаратуру. Па словах арганізатараў, асаблівай папулярнасцю карыстаюцца беларускія казкі. Прыцягвае змест, прыгожыя ілюстрацыі і цана.

Кніжны кірмаш "Кітап-Байрам" праходзіць ужо другі раз. Летась фестываль наведалі больш як 160 тысяч чалавек. За час работы выставы было прададзена 52 тысячы кніг і іншых выданняў. Сёлета кніжны кірмаш прымеркаваны да святкавання 450-годдзя горада Уфы і 225-годдзя вялікага рускага паэта Аляксандра Пушкіна.