Больш за 300 работ з экалагічных матэрыялаў прадстаўлена на конкурсе "Лёд. Кветкі. Фантазія"

Берагчы навакольны свет - з дзяцінства. Такую мэту перад сабой ставяць навучэнцы Рэспубліканскага цэнтра экалогіі і краязнаўства. Тут школьнікам прапануюць майстар-класы "Малекулярная кухня", "Сонейка ў далонях" і многія іншыя. Таксама тут праходзяць і заняткі па інтарэсах. Тэматыка ўрокаў клуба "Юны эколаг" разнастайная. Сёння дзеці даведаліся пра энергазберажэнне. Новыя веды пераўтвараюцца і ў дасягненні. У цэнтры пастаянна праходзяць шматлікія выставы.

У цэнтры экалогіі і краязнаўства на рэспубліканскім конкурсе "Лёд. Кветкі. Фантазія" прадставілі больш за 300 работ з экалагічных матэрыялаў: моху, дрэва, саломы. Экашэдэўры майстравалі навучэнцы і педагогі ўстаноў сярэдняй і дадатковай адукацыі краіны.