Больш як 70 ратавальнікаў і 20 машын спецтэхнікі. У Палацы культуры чыгуначнікаў у Мінску прайшлі вучэнні

Выратавальную аперацыю разгарнулі ў сталіцы ў абхопленым агнём ДК чыгуначнікаў. Па такім сцэнарыі ратавальнікі адпрацоўвалі дзеянні падчас надзвычайнай сітуацыі. Увесь комплекс ператварыўся ў трэніровачны палігон: тут працавалі больш як 70 ратавальнікаў і 20 машын спецтэхнікі. А медыкі Чырвонага Крыжа арганізавалі палявы шпіталь. У працэсе сцэнарыі змяняліся: такім чынам супрацоўнікі службаў наладзілі працу ў тандэме.

Такія трэнінгі праводзяцца рэгулярна. Супрацоўнікі МНС правяраюць гатоўнасць спартыўных комплексаў, навучальных устаноў і гандлёвых цэнтраў да надзвычайных сітуацый.