Больш за сто юнакоў і дзяўчат з розных куткоў Гомельскай вобласці акунуліся ў атмасферу XIX стагоддзя на навагоднім губернатарскім балі

Элегантныя ўборы, паланэз і вальс - больш за сто юнакоў і дзяўчат з розных куткоў Гомельскай вобласці акунуліся ў атмасферу XIX стагоддзя на губернатарскім балі. Месца правядзення самае прыдатнае - графскі палац Румянцавых і Паскевічаў.

Маладых людзей аб'ядноўваюць поспехі ў вучобе, спорце і актыўная сацыяльная пазіцыя. Да мерапрыемства рыхтаваліся загадзя: не толькі вывучалі класічную харэаграфію, але і асновы бальнага этыкету.

За самыя яркія дасягненні адыходзячага года былі ўручаны спецыяльныя прэміі аблвыканкама. Іх атрымалі каля 50 юнакоў і дзяўчат.