Дзень друку адзначаюць 5 мая рэпарцёры, рэдактары, вярстальшчыкі і выдаўцы

Сёння прафесійнае свята работнікаў сродкаў масавай інфармацыі. Дзень друку адзначаюць рэпарцёры, рэдактары, вярстальшчыкі і выдаўцы. Менавіта ў гэты дзень у 1912 годзе выйшаў першы нумар газеты "Правда". Акрамя таго, у 1581 годзе 5 мая ў Астрожскай друкарні Івана Фёдарава выйшаў першы славянскі каляндар на старабеларускай мове, які называўся "Храналогія". На сённяшні дзень найстарэйшыя перыядычныя выданні ў Беларусі - газеты "Звязда" і "СБ. Беларусь сегодня". Нягледзячы на тое што электронныя сістэмы імкліва захопліваюць інфармацыйнае поле, папяровыя носьбіты не страчваюць актуальнасці. Больш за тое, многія з іх таксама перамясціліся ў інтэрнэт і расказваюць пра актуальнае на самых розных платформах.

Прэзідэнт Беларусі Аляксандр Лукашэнка накіраваў віншаванне работнікам сферы інфармацыі і сувязі з прафесійнымі святамі - Днём друку і Днём работнікаў радыё, тэлебачання і сувязі.

"Мы ніяк не можам прайграць тым, хто мае намер адмяніць нашу гісторыю і культуру, а заадно саму дзяржаву і беларускі народ. Ваша высакародная місія - не проста выпусціць газету або тэлерэпартаж, а данесці да чалавека жыватворнае слова праўды, якое дапамагае яму ўзняцца над звычайнасцю, надае сілы для тварэння, робіць яго сапраўдным патрыётам Айчыны", - гаворыцца ў віншаванні.