Дэпутаты Палаты прадстаўнікоў наведалі мемарыяльны комплекс "Прарыў" ва Ушацкім раёне

У памяць аб подзвігу беларускіх партызан і з заклікам да сучаснікаў берагчы мір. Напярэдадні Дня народнага адзінства дэпутаты Палаты прадстаўнікоў наведалі мемарыяльны комплекс "Прарыў" ва Ушацкім раёне. Ён быў узведзены як напамінак аб гераічных падзеях мая 1944 года. Тады на Ушацкай зямлі з варожай блакады партызаны вывелі 15 тысяч мірных жыхароў. Да пліт з імёнамі герояў дэпутаты ўсклалі кветкі.

На таварыскі матч па міні-футболе госці запрасілі зборную Ушацкага раёна. Гульня прайшла ў зале ФАК "Юнацтва". Тут працуе дзіцячая секцыя футбола. Займаюцца больш чым 70 мясцовых школьнікаў. У падарунак парламентарыі прывезлі юным спартсменам мячы.

Фізкультурна-аздараўленчы цэнтр "Юнацтва", дзе адбыўся таварыскі матч па міні-футболе, быў адкрыты ў 2017 годзе. Яго будаўніцтва стала магчымым дзякуючы падтрымцы дзяржавы. Ушацкі ФАК унікальны па сваім функцыянальным прызначэнні. Тут можна праводзіць спаборніцтвы міжнароднага ўзроўню.