Дыялогавая пляцоўка з людзьмі пажылога ўзросту прайшла ў Жодзіне

У адкрытым форуме прынялі ўдзел 80 чалавек з розных раёнаў. Гэта пажылыя людзі з актыўнай пазіцыяй і вялікім жыццёвым вопытам. Асноўныя пытанні для абмеркавання - сацыяльная дапамога, пенсіі, рэабілітацыя і арганізацыя вольнага часу. Дарэчы, у Мінскай вобласці сацыяльныя паслугі атрымліваюць каля 22 тысяч пажылых людзей і інвалідаў, гэта самы вялікі паказчык па краіне. Увагу на форуме надалі і інавацыйным формам абслугоўвання адзінокіх пенсіянераў.

Усе прапановы, якія гучалі на форуме, будуць аформлены ў адзіны дакумент і разгледжаныя на VI Усебеларускім народным сходзе.