"Дарога да святынь": шлях у 780 кіламетраў да Капыля пераадолеюць святары, дзеячы навукі, культуры, мастацтва

"Дарога да святынь" стартавала ў Капыль! "Дарогу да святынь" працягласцю ў 780 кіламетраў пройдуць у сталіцу Дня беларускай пісьменнасці літаратары, дзеячы навукі і журналісты. Раніцай 28-ю экспедыцыю блаславілі ў Свята-Духавым кафедральным саборы. Першы ў маршруце набажэнства правёў Мітрапаліт Веніямін.

Акрамя малітвы і блаславення, у багажы паломніцкай групы Жыватворны агонь з Гроба Гасподняга і цудатворны Загор'е-Сталовіцкі абраз Пакрова Прасвятой Багародзіцы. Дакрануцца да святынь зможа кожны жыхар аграгарадкоў на мяжы Уздзенскага, Ганцавіцкага, Слуцкага і Лунінецкага раёнаў. У планах пяцідзённай экспедыцыі - набажэнствы ў беларускіх святынях, хрэсны ход, наведванне бальніц і абмен духоўным вопытам з вернікамі.

Аўтобус з духоўнымі настаўнікамі зараз рухаецца на Святое поле вёскі Загор'е Баранавіцкага раёна. Усяго ж у дарозе - 11 населеных пунктаў. Фінальны - сталіца Дня беларускай пісьменнасці Капыль.