Дзе даведацца пра свой участак для галасавання і ці можна прагаласаваць дома, расказаў Арцём Цуран

Колькі ўчастковых камісій сфарміравана ў Мінску і колькі ў гэтым задзейнічана людзей. Ці ёсць магчымасць з імі ўзаемадзейнічаць, напрыклад, даведацца дадатковую інфармацыю. На гэтыя пытанні ў студыі "Першага інфармацыйнага" адказаў старшыня Мінскага гарадскога савета дэпутатаў Арцём Цуран.

Як адзначыў эксперт, участковыя камісіі сфарміраваны яшчэ ў снежні. У Мінску дзейнічае 701 камісія, але на гэты момант не ўсе яны пачалі працаваць, бо адбываецца ўдакладненне спісаў у камісіях, сфарміраваных у зачыненых участках, напрыклад, у бальнічных установах. Яны будуць працаваць толькі ў дзень выбараў. Астатнія (а іх каля 680) працуюць у новым складзе. А гэта значыць, што кожны выбаршчык можа на сайце ЦВК Беларусі ўвесці адрас дома і атрымаць інфармацыю аб нумары ўчастку, тэлефоне ўчастковай камісіі.

На пытанне, калі чалавек проста не можа прыйсці на выбарчы ўчастак, ці будзе ў яго ў такім разе магчымасць прагаласаваць, старшыня адказаў: "Выбарчым кодэксам прадугледжана такая магчымасць галасавання. Яна называецца "галасаванне па месцы знаходжання выбаршчыка". Для гэтага не трэба пісьмовых пацвярджэнняў. Дастаткова, каб альбо сам выбаршчык, альбо хтосьці са сваякоў звярнуўся ва ўчастковую камісію. Гэта ўжо можна зрабіць і зараз, калі ідзе ўдакладненне спісаў, і падчас датэрміновага галасавання, і ў дзень выбараў да 18:00".

Непасрэдна 26 студзеня такі званок участковая камісія абавязана прыняць і на гэты адрас накіраваць членаў участковай камісіі.